أفـز نـدمـان …
حسن حاتم المذكور
فـزيت ولـﮕـيت الـلـيـل غـافـي …. عـلـى خـدوده بـﭽـيـت دمـوعـي سهـران
شتـاي بحضـن طيـفـك ﭽـان دافـي …. رجـف لـون العشـﮓ بـعـيونـي بـردان
علـى طبعـك شفت جـرحـي بـغـربـتـي … ومـن وجـه الـﮕـبـاحـه الحـزن حـزنان
ﭽـنـت مـوش انــه مـن مـديـت ﭽـفي …. مـﮕـطـوع عـلى ﭽـتـف الـروج ذبـلان
وصـل حـد السـراب ونـشـف عمـري … بحضـن فـيـض الشـواطي يمـوت عطشأن
الصبـر عاتب حسرتـي وسهـل لـيـلـي … يـا ريت الـﮕـضيتـه ويـاك مـا ﭽـان
ضـنـيـتـك حـلاة الـبـيـك بـرحـي …. يـا مـر الـطـبـع ويـاك خـسـران
ارد تـتـعـثـر الدمعـه بـعـبـرتـي … واشـرب مـن سـرابـك عـطـش بـطـران
ادورك بالـسـوالف صـدﮒ وادري … ﭽـنـت مـن الـبـدايـه ويـاك غـلـطـان
اعـض الـروح وبـﭽـي دمـوع جـرحـي … عـلـى غـلـطـة عـيونـي الـﮕـلب زعـلان
اخــذ كـل التـريـده وخـل بـﮕـايـاي …. احـنـي الـشيـب بـيـهـن ورد نـدمـان
ادور الـﭽان الـي ومـا اجـه بـحـرثـتي … مـثـل طـيـف السـواﮔـي لـعـطـش بستـان
احس روحـه تعـاتب روحـي ويحسنـي …. وكـض جـرفـه طـفـل غـرﮔـان
ونخـاه هـاك اخـــذ بـيـدي …. وزرعـنـي بـشـواطـيـك عـشـك يـا فـلان
وخضــر بـيـك صفـنـة عـمـر تاخـذني … ترافـة لـيـل وغـفـه ابـيـدرك حـلـمـان
01 / 50 / 2009 – برلين